جحا في كفر الزيات وبحماره كمان

اولا الموضوع منقول من الجرووب الجامد جدا

يبقى انت اكيد فى كفر الزيات

و طبعا بما اننا من كفر الزيات لازم نكون مسيطيا كفر الزيات فى كل حتة

مش عاوز اطول عليكو تعالو نشوف الحكاية دى

--------------------

والله انا مش عارف ابدألوكم الموضوع ازاي بس المواقف اللي بتحصل دي مش هتشوفها غير في كفر الزيات
انا قاعد عالقهوه عادي واول مره اقعد كده وكل شويه حد يجي يسالني على حاجه اللي عايز يروح مسجد واللي عايز يروح محل اكسسوار عربيات واللي عايزه تروح عند نت كنزي كنت دليل اليوم ده طبعا كل واحد دليته على المكان كل دا طبيعي
اللي مش طبيعي بئا لاقيت واحد جه وقف قدامي بحمار ونزل من عالحمار وركنه مخالف ووقف السكه وللعلم القهوه قدام مجلس المدينه
ونزل من عالحمار وقالي يابني خد اتصلي بالمحاميه بتاعتي دي عشان ابوها شاري مني الارض من سنه 70 قبل ما ابوك يجيبك من ضهره
الطبيعي روحت متصله بيها وكلمها ومفهمتش منه ولا كلمه
خلص كلام معاها وراح قايلي قوم يلا من عالكرسي واطلبي شاي وحجر معسل قولتله يا حج والحمار اجيبله معسل هو كمان ولا اجيبله ايه
قالي لاء دا بياكل تبن وبرسيم
على اساس اني معرفش
روحت طالبله قعد بئا معايا انا واتنين صحابي منهم حسام بركه معانا هنا
وقعد بئا الاول يقولنا انه اتجوز 5 مرات كل واحده اتجوزها جايب منها 8 اولاد وبنتين واضرب في خمسه ما شاء الله
ويدينا في نصايح واوعي تمشي ورا كلام الستات وزمان احنا واخدين بالكم بعد ما اتجوز 5 وماتو وبيدور على رقم 6
فا بقوله دا انت على كده بئا يا حج كنتم اغنيه اوي انك كل شويه تتجوز قالي يابني هو احنا كنا لاقيين ناكل
قولتله بس كلامك دا مينفعش دلوقتي الشاب مننا دلوقتي ولا 50 الف يجوزه
قالي اصلك متوعاش على العشره جنيه ايام ما كانت خضره وقد ورقة اللحمه
تعالو اجوزكم بنات اخويا واكلوهم بس
قولناله ياريت كل الاهالي زيك دلوقتي
واخدين بالكم الجواز زمان كان عامل ازاي
دا احنا بدل ما نقرا فاتحه اليومين دول هتتقرا علينا
فضل الراجل قاعد معانا يجي ساعتين عمال يشرب في معسل ويحكلنا على ناس من ايام الملك فاروق
لغايه ما طب علينا طاطا وحماده عادل صحابنا هما شافوه بحماره ماصدقو تبيع الحمار دا يا حج
قالهم دا انا شاريه بالف جنيه
ردو عليه ليييييييييييييييييييه هو ملاكي معلق نمر جمرك يعني
احنا هناخده منك دلوقتي يا ب5 جنيه ونبيعه
وفضل يضحك معانا
لغايه ما الحمار نهق
قالنا معاد مرواحي هيروح يعني
شوفتم بئا الناس بتوع زمان عاملين ازاي والجواز كان ببلاش
اللي عايز يجوز كان بيجوز .....الايام دي مش ناويه ترجع تاااااااااااااااني

ودي صور عم جحا

جحا في كفر الزيات وبحماره كمان 25342_1356930637867_1069516538_2199193_8360416_n

جحا في كفر الزيات وبحماره كمان 25342_1356930637867_1069516538_2199193_8360416_n

جحا في كفر الزيات وبحماره كمان 25342_1356930477863_1069516538_2199191_7961426_n

جحا في كفر الزيات وبحماره كمان 25342_1356930437862_1069516538_2199190_6602486_n

تـــــحــــــيـــــاتـــــــى

__shyaka__

جحا في كفر الزيات وبحماره كمان Shyaka025

هههههههههههههههههه
جااااااااامد
تسلم ايدك يا مان