For Free

أهلا وسهلا بك زائرنا الكريم، إذا كانت هذه زيارتك الأولى للمنتدى،فيشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب زيارتة
هاااام جدا للزوار رجاء تفعيل العضوية بعد التسجيل عن طريق الايميل



For Free

المنتدا دا بتاعك
 
الرئيسيةالبوابةمكتبة الصورس .و .جالمجموعاتالتسجيلدخول
اهلا بيك يا جميل
بحـث
 
 

نتائج البحث
 
Rechercher بحث متقدم
المواضيع الأخيرة
» برنامج زومبي كيلر فلود - Zombie Killer Flood 8g Special Edition Updated
الأربعاء مايو 23, 2012 12:15 pm من طرف shyaka

» مـافي احلـى من الحـريـه
الخميس فبراير 02, 2012 8:12 am من طرف Monty

» جميع اصدارات لعبة zuma
الثلاثاء يناير 10, 2012 11:26 am من طرف elmelige2010

» صور بنات انمي روعة
الخميس يناير 05, 2012 12:42 pm من طرف shyaka

» آلـصـديـق ليس مجرد حرووف
الخميس يناير 05, 2012 7:52 am من طرف shyaka

» الجزء الاول والتانى من اسطوره الكوميديا والتسليه التى يعشقها الجميع Neighbors From Hell 1 + 2
الإثنين ديسمبر 26, 2011 10:49 am من طرف shyaka

» اجمل و اجدد صور الانمى
الثلاثاء ديسمبر 20, 2011 2:01 pm من طرف shyaka

» عندما يختلط الوجع بهمس قلووبنا
السبت ديسمبر 10, 2011 12:36 pm من طرف shyaka

»  أصعب انواع الحب؟؟
السبت ديسمبر 10, 2011 12:29 pm من طرف shyaka

برامج تهمك
اهداء خاص
في يوم من الأيام كانت فتاة تجري خلف رجل فالتفت لها وسألها عن السبب، قالت الفتاة: لقد رأيت فيك جمالا وروعة، ورجولة جذابة وعقلا متزنا، وثقلا طبيعيا، وذكاء فذا، لقد أحببتك ، فابتسم وقال لها: انظري خلفك صديقي موجود ،، إنه أفضل مني بكل شيء، فالتفتت ولم تجد أحدا فسألته: أين هو؟ لا يوجد... أحد؟ ... فابتسم وقال: لو .. كنتي... أحببتيني لما التفتي تبحثين عن غيري...

شاطر | 
 

 مين الظالم ومين المظلوم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
shyaka
المدير العام
المدير العام
avatar

الجنس : ذكر

الأبراج الصينية : الحصان

عدد المساهمات : 1446

تاريخ التسجيل : 11/10/2009

الدولة الدولة : كوكو سيتى

المزاج المزاج : قلى الوداع....قلتلو قشطة

SMS : إن كانت حياتي Messenger ,
فسأعطي للعمل Available ,
وللصداقة Busy ,
وللتعارف Invisible ,
وللحب Block and delete

MMS : طول عمرة قلبى دايب ولا كنتو فى يوم حبايب


مُساهمةموضوع: مين الظالم ومين المظلوم   الإثنين يونيو 06, 2011 6:29 pm





(( فى الجامعة ))
هو - بحبك
هي = طيب
...هو -باقولك بحبك
هي = أوكى عرفت خلاص
هو - يابنى ادمه انا بحبك بجد
هي = طب وانا اعمل ايه.؟
هو -حبينى زى مابحبك
هي = انا باعتبرك اخ وصديق ومابافكرش فيك غير كده
هو - انتى متحجرة الاحساس والمشاعر..تلاقى فيه حد تانى فى حياتك
هي = وهو لو انا ما حبيتكش يبقى بحب غيرك؟؟ تفكير غريب جدا
هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي
هي =لا وعلى ايه..خلاص ياسيدى ..اعتبرنا مرتبطين مؤقتا
هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر
ـــــــــــــــــــــ
(( فى البيت ))
هي = معقول يكون فيه حد ممكن يحبنى الحب دا كله؟؟
طب أنا رافضاه ليه؟
مش ممكن تكون سعادتى معاه؟
انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى
ـــــــــــــــــــــ
(( على التليفون ))
هو -عازمك النهارده على الغدا والسينما
هي = افندم؟؟
هو - ايه..كلامى غامض؟
هي = انا اسفه..ماقدرش اخرج معاك مادام علاقتنا مش رسمية
هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض
هي = مش هاينفع
هو - يبقى انتى مش بتحبينى
هي = طب قولى انت..لو انا اختك..هاترضى انى اخرج مع واحد تانى غريب؟
هو -( بغضب) لأ طبعا..دانا كنت قطمت رقبتك
هي = امال عايز تخرج معايا ليه؟
هو -آآه.. دى حاجه ودى حاجه تانيه
هي = هو انا مش بنت ناس برضه وليا أخ؟؟
هو - أنا مش هاثق فى أى حد تانى..لكن انا عارف نفسي وانتى عارفانى
هي = المبدأ واحد.. أخويا برضه ما يعرفكش
هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا
هي = وهو يا كده يا إما مش بحبك؟
هو - انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟
هي = خلاص خلاص..أنا اسفه..بس اوعدنى انك مش هاتكررها تانى
هو - اليها لوقتها..هاستناكى قدام السينما الساعه 6 بالليل
ـــــــــــــــــــــــــــــــ
(( فى البيت ))
هي = معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
هواللى عملته ده صح ولا غلط؟
..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده
ــــــــــــــــــــــــــــــ

(( فى السينما ))
هي = انت مش قلتلى انه فيلم خيال علمى؟؟
دا طلع فيلم رومانسي
هو - حبيت اتفرج عليه انا وانتى..قصته رائعه..وكأنها اتعملتلنا
هي = ومالقتش مكان أحسن من اخر صف فى القاعه
هو - أعمل ايه بس..جينا متاخرين والصفوف قدام كلهامحجوزة
هي = الصاله شبه فاضيه..كلامك مش مريحنى
هو - ارجوكى بقى..احنا هانقلبها خناقه ولا ايه..عيشي معايا اللحظه
هي = ايه ده؟..ايه السفاله دى..ابعد ايدك عنى..انت بتعمل ايه؟
هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشار
هي = انت اتجننت؟
والله لو ما لميت نفسك هافضحك فى السينما كلها
هو - يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟
هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده
هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد
هي = اللى انت بتعمله ده حرام
هو - انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟
انتى مش واثقه فيا ولا انتى مش بتحبينى؟
هي = حبك عاوزنى أكسر كل اللى اتربيت عليه
هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر
هي = أنا عارفه انك بتحبنى..وانا كمان بحبك...لكن...انا..مش
هو -بحبك وبحب كل حاجه فيكى..انتى جميله قوي
هي = انا حاسه ان كل الناس بتبص علينا
هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

ــــــــــــــــــــــــــــــــــ

(( فى البيت ))
هي = تأنيب ضمير فظيع جوايا..انا ايه اللى عملته ده؟؟
عقلى كان فين لما وافقت؟؟..
يارب سامحنى أرجوك..ماقدرتش استحمل كل الضغط ده على اعصابى
ـــــــــــــــــــــــ

(( فى الجامعة ))

هو - ها يا حبيبتى..تحبى نروح فين النهارده؟
هي = مش رايحه فى حته وكفايه بقى لحد كده؟؟
هو - ايه الكلام ده يا حياتى؟
هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه
هو - كلامك ده اكبر دليل انك مش بتحبينى
هي = ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك
هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه
هي = بعد كل الابتزاز العاطفى ده؟؟
هو - ماحدش يقدر يجبر حد على حاجه..كان عندك مطلق الحرية انك ترفضى
هي = مع كل الضغط ده..ماكنتش قادره افكر
هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم
هي = انت حيوان بتمشيه رغباته..
هو - انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك
__________________________________________________ ______________________

طبعا دلوقتى دا حال معظم الولاد
يفضل ورا البنت لحد مايوصل للى هو عايزة وبعدين يخلع
وأكيد كل واحد مننا شاف تجربة زى دى قبل كدا
كل واحد فيكوا بقى يجاوب على الاسئلة دى

السؤال للولاد: لو الولد دا صاحبك هيبقى اية موقفك منة ؟؟؟؟
من وجهة نظرك البنت دى ضحية ولا متهمة وكل دا بمزاجها ؟؟؟

السؤال للبنات : لو دى صاحبتك وجات حكتلك على اللى حصل معاها
هتتعاملى معاها عادى ؟؟؟ ولا معاملتك هتتغير معاها وتقطعى علاقتك بيهاعشان شايفاها متهمة ؟؟؟






تـــــحــــــيـــــاتـــــــى


__shyaka__


الرجوع الى أعلى الصفحة اذهب الى الأسفل
 
مين الظالم ومين المظلوم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
For Free :: عالم الـــــحـــب و الرومــــنــســيـة :: قصص عن العشق و الهو-
انتقل الى: